山下菓子 (T.O.P This is Our Place) (已改名) 查看

Chip n Dale 是我兒時的回憶，行經旺角T.O.P，發現有一間餐廳以呢個卡通做主題，好開心呀⋯⋯打卡打卡。食物選擇多，意粉，蛋包飯， 窩夫….山下水果茶 $88酸酸咪咪，開胃餐前茶。拉芝大蝦意粉 $108蕃茄汁烹調得濃稠，鮮香十足。還有芝士嘅惹味混入其中。每條意大利麵都沾上醬汁，夠濕潤，正。大蝦又爽又彈牙，新鮮！雜果法式多士 $118非一般的多士啊！外層鬆脆，內裡軟綿，蘸少許蜜糖更顯滋味。生果種類不少，新鮮切製。