龍圖閣海鮮飯店

营业中

休息中

今次係朋友帶過黎試一試呢間中菜，因為知道呢度可以自帶酒水，而免開瓶費，所以朋友好有心地一早訂定兩杯紅酒過黎開。呢度唔算好大，建議大家訂定位先好過黎，小食、小炒、海鮮一應俱全，有少少大排檔既感覺。今日試左唔少菜色，點左皮蛋、椒鹽九肚魚、XO醬炒西蘭花桂妃蚌花枝片、酥炸蠔仔、蒜香雞、糯米飯、牛展、醉雞翼。皮蛋同XO醬炒西蘭花桂妃蚌花枝片好有驚喜；酥炸蠔仔同蠔餅唔一樣，少左蛋，炸粉亦都無咁多。最差係醉雞翼，酒味太濃，直情係濃到苦。