神輿日本料理 (已結業)

平常黎創興廣場都係唱k，打邊爐， 食放題真係第一次。 今日呢間係放題係朋友生日指定要去的餐廳， 門面望落非常乾淨闊落， 樓底高 ，座位空間夠大。 不知道是否因為平日，我們兩人還可以坐到四人位，入座后計任食2小時。入座時，待應給了三張海膽壽司/手卷紙，海膽應該係每枱限食三份。首先就叫咗海膽壽司，刺身，八爪魚小食，刺身好鮮甜，有再encore多一輪。 海膽有鮮味，壽司的醋味配搭得剛好，我見隔離枱柯打咗好多壽司，但我怕會過飽所以冇另外點壽司。熟食方面炸物，天婦羅，炸榴槤，炸香芋球 ，炸芝士波波，炸蠔好正， 冇乜油益味， 朋友唔識煎炸食物， 所以我自己一個人食曬 。串燒同七味雞翼都好好食。甜品有多款可以出去自己揀，仲有個雪糕櫃有人幫你筆雪糕。總括嚟講食物質素幾好，而且地方大，可以帶埋小朋友，老人家嚟食， 唔會逼到無位行。