韓牛牧場 (已結業)

好難得朋友星期六都陪我出銅鑼灣食lunch，所以決定俾佢話事食乜嘢。我哋嗌左兩個午市套餐，兩個餐都係有包自助沙律區，前菜同無酒精嘢飲嘅。1++韓牛韓燒定量午市套餐(二人份) $2381++ 韓牛牛肋骨肉西班牙黑豚五花腩韓式雞腿肉虎蝦配半殼青口嚟到呢間食韓牛嘅餐廳梗係要試吓啲牛啦，用光波爐燒嘢食我真係第一次試，感覺都幾得意同埋唔會咁大油煙。啲牛肉雪花好靚，肉質幾淋，五花腩肥瘦均勻，用嚟包埋生菜一齊食一流呀！簡直有返返去韓國嘅感覺😂雞腿肉我哋燒到勁香口，食落啖啖肉。其實如果唔知道每樣野食要燒幾耐，佢哋會有張紙寫俾你睇每樣食物要燒幾多分鐘，而個光波爐每轉一圈就係30秒。極上火焰七色丼 $118韓牛，海膽，帶子，三文魚，油甘魚，鰻魚，蟹棒雖然個韓牛套餐係二人份，但係由於我哋都比較肚餓所以另外嗌左個七色丼。略嫌啲刺身燒得熟左少少，可能我習慣食生啲既，但味道整體係唔錯嘅，尤其是個海膽好鮮甜。