影片
更多
2012-10-30
160 浏览
本身我都唔想講出黎，因為真係好恐怖加嘔心，雖然我唔可以肯定力奇係唔係有其他用途，係先入為主既情況下，真係極端反感。諗諗下，我不如講出我既經歷等大家自己判斷。事源係前幾日同朋友出去食飯，突發奇想，想去食豬骨煲。當然，一講到豬骨煲就立刻想起大角咀，果頭有幾間好出名ga，是是但但都up 到幾間，只不過有兩位朋友就係大角咀人，異口同聲話 力奇豬骨煲 好好食，有去過幾次都唔錯，咁大家就去到大角咀搵力奇。鋪頭幾易見到，因為有個好大塊既banner 掛左係街頭。佢鋪頭入面係好似工廠大廈果d飯堂咁，嗯……好似 快加好(有係葵湧區或觀塘區返工既朋友就知呢間 快加好 係乜ga la) 咁樣既格局。其實對我黎講就冇乜野，咪當佢好似室入大排檔lor，鐵檯膠凳，鐵檯仲要矮身，方便火鍋。第一個問題黎la，冇人接應你ga，你入左去都冇人問你幾位，不過可能太多人，最後要自己搵位坐。朋友Y講過之前要係出面等位，咁即係之前有人叫籌而家冇la，等我仲誤會左幾次，認錯左幾次普通食客係力奇d店員。最後知道店員只係帶圍裙既阿姐幾名，煩左d阿姐好耐叫佢幫手執檯，好心地阿姐就叫左我地去另一間鋪度，因為果邊唔洗執檯。第二個問題，全部野
事源係前幾日同朋友出去食飯，突發奇想，想去食豬骨煲。當然，一講到豬骨煲就立刻想起大角咀，果頭有幾間好出名ga，是是但但都up 到幾間，只不過有兩位朋友就係大角咀人，異口同聲話 力奇豬骨煲 好好食，有去過幾次都唔錯，咁大家就去到大角咀搵力奇。
鋪頭幾易見到，因為有個好大塊既banner 掛左係街頭。佢鋪頭入面係好似工廠大廈果d飯堂咁，嗯……好似 快加好(有係葵湧區或觀塘區返工既朋友就知呢間 快加好 係乜ga la) 咁樣既格局。其實對我黎講就冇乜野，咪當佢好似室入大排檔lor，鐵檯膠凳，鐵檯仲要矮身，方便火鍋。
第一個問題黎la，冇人接應你ga，你入左去都冇人問你幾位，不過可能太多人，最後要自己搵位坐。朋友Y講過之前要係出面等位，咁即係之前有人叫籌而家冇la，等我仲誤會左幾次，認錯左幾次普通食客係力奇d店員。最後知道店員只係帶圍裙既阿姐幾名，煩左d阿姐好耐叫佢幫手執檯，好心地阿姐就叫左我地去另一間鋪度，因為果邊唔洗執檯。
第二個問題，全部野都係自助形式+餐牌冇標價錢。
坐到埋位開始點野食，發覺得一紅一藍order 紙俾你點野食，仲要冇寫價錢，雖然係地踎豬骨煲估佢唔會貴得去邊，不過都想有個知字，同埋心中有個數。唔緊要，照叫，點左個豬骨煲，一個大牛，一個羊，脆肉鯇，粟米豬肉餃，手打蝦丸同墨魚丸。點完就出去交功課，冇錯，係交功課，因為咁大個鋪位只得一位阿姐坐陣，佢仲要忙到爆炸，仲點好意思叫佢行埋黎。
交完功課，冷靜左一陣，豉油助料要自己行出去拎，湯'殼'同碗都可要自助。連牙籤都係要出去拎。
第三個問題，等野食超耐。
我計過，我當日落單開始計到見到個豬骨煲係有差唔多一個鐘，因為我總共睇左4節'名緩望族'先見到個煲！！！每隔5-10分鐘個阿姐先係隔離拎一煲過黎。等到超餓，最攪笑係上菜冇次序，\唔係叫你先淡後濃呢d咁講究，係個煲都未黎，半個鐘前就放低d火鍋料係度，抖涼定要攤凍ar?!?!?!
第四個問題，肉類質素偏低
一個鐘後個豬骨煲黎到，都幾震撼下，因為真係好大煲，大煲到驚佢一滾就瀉，要夾返一半以上既涵出黎先得，一路夾就見到有好多豬骨，6隻雞腳，大量蘿蔔，粟米同大蔥。
相隔15分鐘後，羊肉到啦，一涮就散開……頂，仲要係冇乜羊味。
本來叫左個大牛，但係見到人地d大牛大到成座山咁高，襯佢成個半鐘頭都未上碟就叫佢改你細牛，大約再半個鐘就黎到，唉……d牛原來都一樣一涮就散，d顏色都怪怪地。唔知係唔係我地廢，'6'完d牛同羊之後，完全分唔出邊塊羊同邊塊牛?!?!。
諗到呢度，我地大家已經停晒手，唔想再掂檯上任何野，直情係想嘔，因為感覺好嘔心，太恐怖。我地立刻埋單走入，大約1200蚊八個人分，每人一百五十。
张贴