神戶屋日韓放題

营业中

休息中

好耐冇食放題，今次預約左旺角兆萬中心的神戶屋，可能因為預約既關係，等左兩三分鐘就入得去。食放題當然唔少得刺身，我都叫左少少試下，包括三文魚、甜蝦等等，仲特別叫左一板海膽，果然冇令我失望，成盤刺身無論外表同味道都值得一讚。除左食刺身之外，仲叫左壽司，每樣壽司都叫一兩件，可以填飽肚又試到唔同口味。食左咁多刺身同壽司，已經飽左七成，所以都唔敢叫太多野食，叫左一個牛肉火鍋，一路食先發現有咁多牛肉，份量十足，食完已經滿足曬。埋單之後，出到門口見到咁多韓國雪條，又心郁郁想食，大部分雪條以前都食過，但發現有兩三款比較少見，所以就試下。揀左一支芒果味同一支芝士味雪條，兩支雪條都好食，特別係芝士味雪條，味道香濃，鐘意濃郁芝士味既話，可以一戰。