粉紅水門雞 (中海日升中心) (已結業)

今晚收工同朋友去到中海日升中心個邊食晚餐，揀咗呢一間餐廳－粉紅水門雞，餐廳主打泰菜，用QR code落單，非常方便！食完有驚喜之餘，而且性價比高！除咗有招牌嘅水門雞飯之外，佢哋嘅咖喱都好出色，係加咗蛋汁，入口creamy，大推薦！粉紅水門雞飯配油飯必點招牌菜式水門雞飯，套餐會有包湯！水門雞香嫩美味，而黃油飯口感豐富，充滿鮮味。 香甜咖喱蟹汁配軟殼蟹呢一個菜式非常出色，食完超有驚喜！咖喱蟹汁香甜而且加咗蛋液製作，所以入口creamy！而軟殼蟹原隻炸至金黃色，入口香脆又美味！飲品最後點咗陳年柑桔蜜、泰式奶茶，飲品包裝真係好似係泰國飲到個一種。而且泰式奶茶係必點，每日新鮮製作，係超香滑奶茶！讚！👍🏻