今日黎接老公收工順便食飯，佢成日話東涌無咩好食，
我就上網搵下啦，搵到間地中海菜
由於對香港人我黎講係樣好新奇既野，即刻就卜左
個裝修好靚好有feel，燈光偏暗，好岩情侶用餐
黎到要試下佢d signature mocktails
佢有益力多，再有d橙，芒果同士多啤梨汁，
飲落好fresh，重點係加左d益力多，係我鍾意既口味
呢杯cocktail vodka做底，成份有青瓜，接骨木花甜酒，橄欖鹽水，
所以飲落，既有花香木既微甜，又有些少鹹味
前菜叫左Fattoush，佢係一兜黎巴嫩蔬菜沙律
侍應會推架車仔去你面前，即場整俾你
落調味，再攪下攪下咁
呢兜野好大兜，有蕃茄，芫茜，番茜，薄荷葉，青瓜，石榴粒＜（好驚喜好夾
每一樣都非常新鮮，對喜歡草食既我簡直係天堂
Grilled Squid炭烤魷魚
擺盤好靚係我第一印象，超好食係第二印象
佢唔似出面串燒店係熱辣辣，呢到係恆溫偏凍
但，原來凍食係另一番風味，青色果d係lemon parsley sauce 檸檬香芹醬
有好正既草本鮮香，魷魚用黎沾呢d醬食，可以拉長魷魚既鮮味同時又做到味道豐富既效果
Skate Fish and Clams
好新奇真係，邊會食過魔鬼魚，真係即刻點
魚身烹調至外層微焦，一切開裡面係白色既魚肉，食落如果一定要搵同類野形容
我覺得似鱈魚但再結實d既肉質，魚肉嫩滑，魚骨幾軟都可以食埋
伴碟既蜆肉好新鮮，可以吸滿d檸檬牛油香芹汁，再啜入口食。
整體味道清爽，唔會覺得肥膩，魔鬼魚首次食真係幾有驚喜
Kunafa
反正黎到係為左試地中海菜既新奇菜色
甜品都唔例外，侍應姐姐講左句：this one is nice！
咁我地就即刻點
呢個甜品係熱辣辣的，正當我地好怕飽上加飽，食一啖之後大家都收聲
佢外層係薄薄酥脆既麵包碎之類既野，或者似炸既細麵？
然後咬落去，內餡係甜奶酪，有微微拉絲效果！入面有開心果碎粒
好香口，好幸福
絕對絕對要點黎食，唔食魔鬼魚都要食呢個甜品
