酒鍋 (V Point) (已結業)

今日約咗家姐攞嘢，順便撐枱腳。知道登龍街好多嘢食。於是行去搵吓邊間好。行到去見到有座叫V Point新大廈，樓下有介紹好幾間餐廳。見到酒鍋。係食火鍋的。兩姊妹就一齊搭life去27樓。人客都幾多，因為冇book位，所以等咗10分鐘先入座。餐廳好大，燈光就比較暗。除火鍋外，仲有好多靚酒。自己配醬料招牌湯底~香港原創五格鍋 湯底~有麻辣，超辣，但好香。裡面有豆卜、豬皮、我最鍾意。龍蝦湯底 ~ 有半隻大龍蝦，龍蝦鉗肉勁厚。溯洲沙嗲湯底~沙嗲味超香。  木瓜蝦湯底 ~ 由於大蝦係放在木瓜裡面. 所以大蝦吸收晒木瓜香味. 蝦肉又爽. 職員仲要倒咗D酒再點火， 做成火焰效果，之後再放乾冰做成仙竟效果， 非常有新鮮感。 蘿蔔牛腩湯底 ~蘿蔔吸晒牛腩味, 好鮮甜, 不過牛腩就靭咗少少。海鮮拼盤$368 ~扇貝~超大粒又厚肉蟶子~長長的聖子肉蝦~size普普通通蜆~細隻咗少少頂級安格斯牛頸脊~肥瘦分明，肉質軟，牛味香濃四川麻婆豆腐餃$88一碟有6隻，咬開真係有豆腐的。而且個皮好煙靭。 好特別呀!黑啤熊$88樣子可愛，有三隻熊仔。。原來熊仔係一粒墨魚丸。其中一隻係黑松露。好彈牙黃金炸魚皮$68冇得彈, 脆