老夫子餐館 (已結業)

好早之前已知老夫子餐廳開張時, 已聽聞排隊排上ㄧ小時, 我心𥚃已有計劃待老夫子人氣減少才前往。剛好閒日放假, 和友人前往品嚐。係餐廳門口已見到大大隻老夫子, 再沿着樓梯上, 老夫子, 大蕃薯, 秦先生ㄧㄧ現眼前, 影相呃like真係無得頂, 影得好開心。等咗只係10min(因要求要卡位, 如果唔係, 完全唔駛等)。餐廳好有諗頭, 齋看餐牌已心花怒放, 菜品名稱用番老夫子既故事名, 真係好特別。我哋食咗個蒜蓉大蝦蕃茄意大利粉, 咖喱雞飯, 芋頭特飲, 唔記得叫咩名既冰茶, 食物質素ok既, 但價錢略貴咗少少, 始終舖租及版權貴, 轉嫁到客人身上無可厚非。