火赤

营业中

休息中

近來尖沙咀越來越多特式美食，位於寶勒巷這間「火赤」就是其中一間，打從餐廳門口到店內的裝潢設計，都充滿神秘感。如果想欣賞師傅即席燒製食物，建議訂座時預留吧枱位置。店員首先奉上7色調味料點串燒，其中檸檬鹽、咖喱鹽、抹茶鹽都比較特別。客人可以隨意沾自己喜歡的味道。師傅可以把鱈魚乾燒到脆卜卜，好似食緊薯片一樣，一試難忘。雞皮、雞上髀肉、雞腎都好夠火喉，而雞食道真的好特別，呢啲刃轉位真係好考功夫。水牛芝士煙肉卷及糯米雞肉棒都係必食推介，師傅燒到有少少燶邊，口感一流！唔想食咁多肉，所以點了燒蕃薯(福崗安納芋）及秋葵，2款都唔亁身帶甜，好味道。醬油燒飯團，用紫菜包住食，外脆內軟，完美。最後來個抹茶厥餅，甜甜哋冰凍煙靭，太完美的一餐劃上句號。