影片
更多
2016-09-27
6414 浏览
2016-09-22PLAYT Kitchen Theatre******************餓底大胃聯盟去到位於銅鑼灣, 玩味極重既PLAYT Kitchen Theatre。呢次係大胃聯盟第一次响港島區既buffet, 當然有佢吸引之處啦。一入門口, 感覺自己入左一個大廚房咁, 上至燈光佈置, 下至瓷磚地板, 都令人感覺好似入左一個典型鄉村既廚房。******************海鮮吧好多選擇, 當晚有紐西蘭同美國蠔, 每次限取兩隻, 因為長期排隊 (開蠔哥哥真係開到手軟, 6:30開到8:15都未停過), 小編淨係拎左一次紐西蘭蠔。雖然肉係超薄, 但有淡淡既海水鮮味。旁邊有其他海鮮:有不斷refill既龍蝦同蟹, 凍蝦清口螺都有。龍蝦係好鮮味, 又彈牙, 平時小篇最多食兩邊(一隻), 今次竟然食左5邊!*****************Cheese有5款, 另外有兩款醬, 可能goat cheese真係好好味, 小編去拎時已經冇曬...但麵包比較唔吸引, 全部睇落比較硬, 小篇食左一個應該係香草既包, 味道真係唔夠濃烈。******************熱食選擇好似好多
PLAYT Kitchen Theatre
******************
餓底大胃聯盟去到位於銅鑼灣, 玩味極重既PLAYT Kitchen Theatre。呢次係大胃聯盟第一次响港島區既buffet, 當然有佢吸引之處啦。
一入門口, 感覺自己入左一個大廚房咁, 上至燈光佈置, 下至瓷磚地板, 都令人感覺好似入左一個典型鄉村既廚房。
******************
海鮮吧好多選擇, 當晚有紐西蘭同美國蠔, 每次限取兩隻, 因為長期排隊 (開蠔哥哥真係開到手軟, 6:30開到8:15都未停過), 小編淨係拎左一次紐西蘭蠔。雖然肉係超薄, 但有淡淡既海水鮮味。旁邊有其他海鮮:有不斷refill既龍蝦同蟹, 凍蝦清口螺都有。龍蝦係好鮮味, 又彈牙, 平時小篇最多食兩邊(一隻), 今次竟然食左5邊!
*****************
Cheese有5款, 另外有兩款醬, 可能goat cheese真係好好味, 小編去拎時已經冇曬...但麵包比較唔吸引, 全部睇落比較硬, 小篇食左一個應該係香草既包, 味道真係唔夠濃烈。
******************
熱食選擇好似好多, 分開左兩邊擺放。佢有3款湯, 小編要左一盅冬菇花膠雞腳燉湯, 幾清甜又唔油膩。另外佢有個live kitchen, 裡面有廚師即場整mini pizza。除左mini pizza, 仲有個和風鰻魚pizza, 用碳爐一路熱住, 有足鄉村風味。
另外一邊有芝士炸雞、蒸魚、西班牙海鮮飯、泡菜意粉之類。蒸魚有D腥, 但炸雞幾好食, 薄又脆。
******************
講到甜品, 其實小編好早已經去左甜品區, 蛋糕既種類唔算好多, 但有6款gelato同兩款軟雪糕(自己吱, 好好玩, 迎合左PLAYT充滿玩味既主題)
PLAYT有用大光燈照住D窩夫, 所以窩夫冇變軟, 加上芒果、桑莓、士多啤李果醬, 雖然係偏甜左少少, 但甜品就係咁。可惜可能窩夫粉漿溝得稠左DD, 所以窩夫帶點硬, 但依然屬於好味程度。
不得不提一個cherry tart, 甜度適中, 而且底部酥皮好香脆。
gelato口味亦十分特別, 有茅台、楊枝金露等。但如果各位要試茅台gelato, 記得叫佢唔好俾咁大球你, 因為果種味道唔係人人都喜歡 (小編就係唔受得, 又貪得意, 結果用盡力都係食得半球)。另外如果喜歡朱古力雪糕, 軟雪糕係一個好選擇, 因為軟雪糕既朱古力味遠超gelato。
******************
(當然仲有更多不同食物未有盡錄。大家可以留意相片。)
******************
消費: $1060.2 / 2 adults
優惠: 恆生白金卡85折 (原價加一)
Boost post
张贴
