影片
更多
2017-12-07
1747 浏览
餐廳喺鯉魚門嘅三家村碼頭，喺茶果嶺道行落崇信街，一直行到尾見到三家村碼頭，隔離就係三家村水產，唔駛經過九曲十三彎嘅海鮮街，非常易搵。餐廳隔離嘅三家村碼頭都非常有特色，船期表就喺入口兩旁嘅牆上面，仲有啲色彩鮮豔嘅壁畫。中間係醒目嘅招牌，原來隻船有個幾浪漫嘅名叫珊瑚海，來回西灣河至三家村，船程只係8分鐘咋，而且班次都算密，每24分鐘一班。喺港島東住或者返工嘅朋友嚟都非常方便，放左工想即興過嚟食都仲得。臨近聖誕節，餐廳都好悉心佈置。門口有一棵巨型聖誕樹，「信眾」可以喺樹旁邊掛上許願小木塊。仲有金光閃閃嘅宮殿式門口，旁邊係亮麗嘅小鹿同雪花燈飾，凈係見到啲裝飾真係未食先開心，即刻寫返個願望先。餐廳樓底高，光線充足，所以雖然人多但感覺都寬敞，料理枱旁邊大大個水缸，入面有生猛嘅游水海鮮，仲有貝殼類、和牛等等。啲水非常清澈，乾淨企理，食客食得放心，果然係日式餐廳。咁開心，先叫兩杯特飲。【藍海菠蘿梳打$48】高身玻璃杯，由米色到黃色，一直漸變為海綠色到深藍色，好似由海面去到海底咁。攪勻咗之後，成杯飲品就好似一位著咗海藍色晚裝嘅冷豔美女咁。菠蘿汁味道甜度啱啱好，飲落涼爽又開胃。【士多啤梨沙冰$68】Mar
餐廳隔離嘅三家村碼頭都非常有特色，船期表就喺入口兩旁嘅牆上面，仲有啲色彩鮮豔嘅壁畫。中間係醒目嘅招牌，原來隻船有個幾浪漫嘅名叫珊瑚海，來回西灣河至三家村，船程只係8分鐘咋，而且班次都算密，每24分鐘一班。喺港島東住或者返工嘅朋友嚟都非常方便，放左工想即興過嚟食都仲得。
臨近聖誕節，餐廳都好悉心佈置。門口有一棵巨型聖誕樹，「信眾」可以喺樹旁邊掛上許願小木塊。仲有金光閃閃嘅宮殿式門口，旁邊係亮麗嘅小鹿同雪花燈飾，凈係見到啲裝飾真係未食先開心，即刻寫返個願望先。
餐廳樓底高，光線充足，所以雖然人多但感覺都寬敞，料理枱旁邊大大個水缸，入面有生猛嘅游水海鮮，仲有貝殼類、和牛等等。啲水非常清澈，乾淨企理，食客食得放心，果然係日式餐廳。
咁開心，先叫兩杯特飲。
【藍海菠蘿梳打$48】高身玻璃杯，由米色到黃色，一直漸變為海綠色到深藍色，好似由海面去到海底咁。攪勻咗之後，成杯飲品就好似一位著咗海藍色晚裝嘅冷豔美女咁。菠蘿汁味道甜度啱啱好，飲落涼爽又開胃。
【士多啤梨沙冰$68】Martini酒杯配上鮮粉紅色沙冰，感覺係一位著咗粉紅色短裙嘅活潑開朗少女。士多啤梨沙冰上面係粒粒士多啤梨果肉，飲得出係用新鮮士多啤梨整出嚟嘅，真材實料。
兩位嚟一張合照啦~
【季節刺身特選拼盤(6種)$580】一上枱煙霧瀰漫，係乾冰蒸發而成嘅白霧，好有氣氛。刺身有三文魚、吞拿魚、章紅魚、油甘魚、金目鯛同帶子，全部都係厚切。
帶子之間夾咗青檸，味道比起平時夾檸檬更加清新，加上帶子本身就極鮮甜，所以食落又美味又開胃；吞拿魚係深紅色，一望就知係靚嘢，食落果然特別綿滑；金目鯛仲係輕微火炙過，依然食到魚鮮味，同埋魚皮帶點香口嘅焦味。
【江戶前天婦羅拼盤$188】大大盤拼盤，有蝦、青椒、蕃薯、南瓜、蓮藕。蝦係好新鮮爽彈，蝦鮮味濃郁，仲有炸到熱辣辣嘅油香，超級好食。南瓜、蕃薯都唔錯。呢排食左好多肉，食返啲蔬菜都好應該。
【一夜干魚(時價)$288】今日烹調嘅係馬友魚。「一夜干」係日本烹調魚嘅古法，先用鹽水醃過，然後再風乾一晚。烤出嚟嘅魚皮薄到有啲透明又超脆，而且帶有魚鮮味又唔乾身。我平時好少食魚皮，但呢次真係食晒。食魚最緊要就梗係魚肉，味道鮮甜就不在話下，而且雖然個制法叫一夜干但魚肉係好juicy，肉質緊緻而嫩滑。真係難怪我見到好多枱客都有叫嚟食。
嚟到食浜燒梗係要餐廳即席燒海鮮啦，已經飽咗九成嘅我地，行到水缸即刻雙眼發光，後悔冇「留肚」。大大隻【岩手縣石蠔】只係$58(時價)，超巨型【帆立貝】亦只係$98(時價)，仲要專人燒埋俾我地食。即刻每樣叫兩隻~
【帆立貝】攞上手真係好大隻，店員先放喺爐上燒，到咁上下再撬開佢，然後一路繼續燒一路落「每日自製木魚水」，咁就保持濕潤又有鮮味。
店員會幫食客剪開，方便進食。
真係好厚身，食落果然又鮮甜爽彈又juicy，大大粒好滿足。
【岩手縣石蠔】長過我嘅手掌，都真係幾誇張。
燒法同帆立貝一樣，對住個海燒真係好有風味。
燒完出嚟完全冇縮過水，蠔肉鮮味濃郁又水潤。
浜燒餐廳嚟講，三家村水產位置就正正就喺碼頭，所以真係特別有漁港風味。飽餐一頓後行出餐廳，沿著海吹住海風散吓步，輕鬆自在。真係「對海嘗鮮，人生幾何」。
张贴
