板長壽司 (八號花園) (已結業)

壽司永遠都唔會食厭，隔一排又會心思思想去食。而板長一向都係我嘅最愛，板長食物質素好好又唔使大排長龍。星期六去食仲有假日午餐，今次叫左牛肉蕎麥麵套餐，除左有蕎麥麵之外，仲有沙律，燉蛋，六件壽司，都係八十幾蚊，超級扺食。另外，仲散叫左啲壽司，充滿魚油味嘅三文魚腩壽司係必點， 三文魚仲要係有厚度，讚！一口凡立貝壽司，三文魚壽司同甜蝦壽司都非常新鮮！燒過嘅火炙魚背壽司非常香！除左普通嘅玉子壽司之外，仲有火炙芝士玉子壽司，不過可能燒到塊紫菜，有啲燶味。不過整體都好滿意。