一杯鐵板燒居酒屋 (已結業)

今天同朋友係Yoho行街，見到呢間日式居酒屋「一杯」充滿日本特色，店內裝修像日本街頭，十分吸引，所以就入去食晚餐。我地嗌咗廚師推介壽司１０件，每款亦唔同款式，全部都十分新鮮。白身魚係真鯛，擺盤已十分吸引，每片厚度相約，晶瑩通透，完全感受到師傅一流的刀功，配合特別的醬汁好好味。個人覺得香蔥汁炸雞最好食，炸雞本身已經炸得香脆可口，而且一啲都唔會油，配合埋特製的香蔥汁，完全令味道進入另一個層次。至於其它熟食包括南部雞肉及薄燒牛舌，其實也做得不錯，全部都煮得很入味而且一點也沒有油膩的感覺。石頭燒肉飯裏面的牛肉份量十足，不單調味調得好，而且一點也不會韌。這家店除了環境舒適裝修雅緻特別外，食物也有頗高的質素 ，絕對值得推介大家去試下。