影片
更多
2024-01-05
203 浏览
收工時經過天后的Fresh Fresh Bakery 簡品堂餅店，之前見好多媽媽group的朋友，成日都介紹佢地的麻糬曲奇同麻糬波波，個個食完都話好味又性價比高，咁我都買嚟試下係咪真係咁正✅Fresh Fresh Bakery 簡品堂位於港鐵天后站A二出口向前行，大約1分鐘就見到！Fresh Fresh嘅裝修充滿日式和風，同時又混合童趣氣氛，每一款包餅產品都有精緻嘅包裝，有啲仲配有搞笑風趣嘅語句！Flash Flash Bakery的王牌麻糬，之前賣到排晒長龍，好多網上平台同kol,都有介紹, 每包有5粒，有別於出面其他餅店嘅麻糬，佢哋外面用麵包皮裏面配合不同味道嘅醬及煙靭嘅麻糬，粒粒都大大粒，食落好鬆軟又有口感除咗麻糬之外，佢哋嘅生日蛋糕都非常精緻又靚，另外仲有曲奇、蛋捲、麵包等烘焙產品，都非常受歡迎！今次買咗以下食品：🌟拉絲芝士波波$25王牌產品，裏面有一粒粒嘅芝士，用微波爐叮熱食，外皮更鬆脆，芝士軟咗之後更加香濃，芝士嘅Mina爸最愛🌟朱古力麻糬波波$28朱古力味嘅麻糬呢個一定要買，因為Mina姐係麵包+朱古力控，一返到屋企就俾佢搶咗嚟食，食到成嘴都係朱古力🥰🌟紫薯麻糬波波$28
Fresh Fresh Bakery 簡品堂位於港鐵天后站A二出口向前行，大約1分鐘就見到！Fresh Fresh嘅裝修充滿日式和風，同時又混合童趣氣氛，每一款包餅產品都有精緻嘅包裝，有啲仲配有搞笑風趣嘅語句！Flash Flash Bakery的王牌麻糬，之前賣到排晒長龍，好多網上平台同kol,都有介紹, 每包有5粒，有別於出面其他餅店嘅麻糬，佢哋外面用麵包皮裏面配合不同味道嘅醬及煙靭嘅麻糬，粒粒都大大粒，食落好鬆軟又有口感
除咗麻糬之外，佢哋嘅生日蛋糕都非常精緻又靚，另外仲有曲奇、蛋捲、麵包等烘焙產品，都非常受歡迎！
今次買咗以下食品：
🌟拉絲芝士波波$25
王牌產品，裏面有一粒粒嘅芝士，用微波爐叮熱食，外皮更鬆脆，芝士軟咗之後更加香濃，芝士嘅Mina爸最愛
🌟朱古力麻糬波波$28
朱古力味嘅麻糬呢個一定要買，因為Mina姐係麵包+朱古力控，一返到屋企就俾佢搶咗嚟食，食到成嘴都係朱古力🥰
🌟紫薯麻糬波波$28
鬆軟嘅麵包裏面，夾雜着紫薯餡同煙靭嘅麻糬，甜而不膩，配返杯玄米茶，就最啱！
🌟Oreo麻糬QQ$18
表面鋪滿朱古力及Oreo碎，裏面有Oreo嘅朱古力醬，配埋煙靭嘅麻糬，Mina姐一試愛上，下次一定要再回購，基本上所有朱古力產品非佢莫屬🤣
🌟開心果麻糬QQ$18
裏面係開心果嘅餡料及咬落煙韌嘅麻糬QQ彈牙嘅口感，簡直係完美嘅配搭!
🌟肉鬆怪獸波$18
表面鋪滿肉鬆、紫菜碎及少量芝麻，裏面配搭左麻糬，非常新穎嘅配搭，但又好好味😋
🌟 雜錦曲奇禮盒（開心果、抹茶、伯爵茶、特濃朱古力粒粒、泰式奶茶味）
全盒都係手工曲奇，送禮佳品！非常推薦泰式奶茶味及伯爵茶味，香脆可口又甜而不膩，早餐或下午茶再配返杯紅茶或者咖啡就更正✨
张贴
