旅窩 (已結業)

鴨巴甸街同埋元創方附近有好多小店餐廳，一路沿着樓梯級向上，搵到呢間開業無耐嘅小店，見到門面走簡約嘅風格，一於入去試吓先！店內座位唔多，連埋門口吧枱，大概只有10幾個位，坐得都算鬆動，仲要係happy Friday 嘅晚市。雖然餐廳細細，但店主放咗好多世界各地旅遊特色紀念品嘅擺設，睇得出店主好有旅遊魂！而且配合埋室內嘅植物佈置，氣氛環境真係好舒適好relax。坐低望一望餐牌，食物種類雖然唔算多，但每款都好有特色，主打亞洲風味，特別是好多台式食物。我哋叫咗招牌豆乳鹽酥雞配滷肉拌麵、滷香鹽酥豬扒拌泰式米粉、仲有個beileys朱古力粒粒鮮忌廉窩夫。店員好細心，見我哋想影相打卡，特登幫我哋將鹽酥雞同豬扒掉轉上碟，話咁樣影相嘅效果會靚啲，服務態度好好！首先上菜嘅係豬扒伴麵，豬扒切得好厚實啖啖肉，拌麵嘅麵質煙韌彈牙，同蔥油好夾。之後到鹽酥雞配秘製蝦醬，第一次聽蝦醬可以同鹽酥雞配搭，店員強調呢款蝦醬係由大澳入貨，再自家調製，比一般嘅蝦醬淡口冇咁濃烈，唔會搶咗鹽酥雞嘅味道，感覺幾特別幾match！鹽酥雞炸得好嫰滑，有種淡淡的豆香。米粉配埋泰式魚露醬汁，口感好freah，可以中和鹽酥雞嘅油膩感。最後到個