尚素 (已結業)

向來很少食素菜的習慣, 但今次聚會的朋友都是素食者, 所以今次由朋友揸主意。晚上到觀塘工商業區中心是另一個面貌， 平日熙來攘往的駿業街頓時變得寧靜，感覺很舒服。起初以為食肆不多，但走入海日升中心方知錯了。食素對我而言幾新鮮，因為一餐「無肉食」好耐未試過。選了晚市套餐，前菜有三款： 五味人生（甜、酸、苦、辣、平淡），除了辣的味道和苦瓜較為突出外，其他味不太明顯。椒鹽素魷片是三個前菜中最好食, 因為有脆脆的椒鹽惹味之餘, 魷片做出味道也很像真!黑松露糯米燒賣 ，也無得輸，事關有黑松露的清香。以糯米造燒賣，口感又綿又軟糯。湯品選紅棗黃耳山藥羹。 紅棗黃耳山藥羹味道好清甜，黃耳有豐富膠質，而紅棗又有補血功效，這湯羹女士必試。 主菜就有「古淡法乳香蒸蚌片」，粉絲吸了腐魚汁，餸飯一流！我又迷惘了，我在食緊真「蚌片」？！大棗金耳羅漢上素煲， 煮得清淡突顯素菜的鮮味。甜品係薏米腐竹糖水，不會太甜，剛剛好！滿足的一餐！