影片
更多
2023-06-20
14 浏览
又出荃灣食晚飯，今次就揀咗一間串燒鋪過吓口癮😋鋪頭唔算好大，充滿小店情懷，朋友可以圍埋一枱，一路吹水一路食吓串燒🍴餐廳嘅宗旨：每一次遇見都是久別重逢👯餐廳提供四種辣度: 唔辣/小辣/中辣/大辣，有需要時都可以喺枱面拎調味粉自行調味~我哋啲串燒就叫咗小辣嚟食🤩•麻辣八爪魚鬚 ($48)麻辣醬嘅麻同辣混合啱啱好，小辣唔係好辣但相當開胃，八爪魚鬚份量都唔少，切成嘴巴大細，好易入口•清酒花甲 ($58)清酒味道濃厚，喜酒嘅你一定唔可以錯過。花甲數量亦對得住價錢，保證人人有份！•鍚紙蒜蓉金針菇 ($42)除咗有蒜蓉醬，仲有辣醬做調味，所以呢碟金針菇非常惹味！•厚切牛舌芯 ($35)牛舌芯有醃過，切得幾厚，燒得唔會太乾，上面灑上大量嘅調味粉❤️️•餐蛋炒出前一丁 ($68)出乎意料之外地好食！出前一丁唔會炒得好乾身，相反充滿花生醬同豉油味！厚切餐肉炸得好靚，外脆內軟，炒蛋亦炒得好滑！
又出荃灣食晚飯，今次就揀咗一間串燒鋪過吓口癮😋鋪頭唔算好大，充滿小店情懷，朋友可以圍埋一枱，一路吹水一路食吓串燒🍴餐廳嘅宗旨：每一次遇見都是久別重逢👯
餐廳提供四種辣度: 唔辣/小辣/中辣/大辣，有需要時都可以喺枱面拎調味粉自行調味~我哋啲串燒就叫咗小辣嚟食🤩
•麻辣八爪魚鬚 ($48)
麻辣醬嘅麻同辣混合啱啱好，小辣唔係好辣但相當開胃，八爪魚鬚份量都唔少，切成嘴巴大細，好易入口
•清酒花甲 ($58)
清酒味道濃厚，喜酒嘅你一定唔可以錯過。花甲數量亦對得住價錢，保證人人有份！
•鍚紙蒜蓉金針菇 ($42)
除咗有蒜蓉醬，仲有辣醬做調味，所以呢碟金針菇非常惹味！
•厚切牛舌芯 ($35)
牛舌芯有醃過，切得幾厚，燒得唔會太乾，上面灑上大量嘅調味粉❤️️
•餐蛋炒出前一丁 ($68)
出乎意料之外地好食！出前一丁唔會炒得好乾身，相反充滿花生醬同豉油味！厚切餐肉炸得好靚，外脆內軟，炒蛋亦炒得好滑！
7 浏览
0 赞好
0 留言
张贴
