鳳城酒家

营业中

休息中

鳳城酒家一直以順德菜見稱，早年太子分店也是不少人的回憶。細細個去食飯，最深刻就係炸子雞同百花釀蟹鉗，炸子雞外皮脆卜卜，雞肉嫩滑又多肉香，而蟹鉗包住彈牙蝦膠，炸到金黃香口，真係每次都必點。 今次去嘅係上環店，比想像中新淨好多，裝修走現代風，同以前傳統酒樓嘅感覺有啲唔同。環境寬敞，仲有舒適嘅沙發卡位，坐得舒服，氛圍比傳統大排筵席式嘅中菜館更輕鬆。雖然太子分店已經結業，但味道依然熟悉。窩貼大明蝦外脆內鮮，順德魚雲羹鮮甜濃郁，足見師傅對湯羹的功夫。金磚豆腐外層炸得剛剛好，內裡保持滑嫩，高湯炸粉果則係傳統點心，搭配高湯更添風味。甜品方面，蛋白杏仁茶香滑細膩，雪耳楊枝甘露則清甜爽口，為這頓飯畫上完美句號。 今次冇點炸牛奶同炒鮮奶，但都食左幾道順德名物，鍾意順德菜嘅朋友一定要試。鳳城酒家多年來見證香港飲食文化的變遷，雖然有些分店已成回憶，但每次嚟食飯，依然感受到傳統順德菜的風味同溫度。