新記冰室

营业中

休息中

Gym完特別肚餓，食邪惡野可以順理成章用返quota啦呱新記我喺尖沙咀食到入黎荃灣，舖頭嘅顏色同碗芝士面一樣，食得更加心安理得💛今次叫咗炸魚柳芝士撈丁，距離上次食都有一段時間充滿期待，厚厚嘅芝士鋪喺軟硬適中嘅麵底上面，再將芝士麵放入口中，個味道同我幾年前食嘅一樣冇變過，好好食。初初以為自己仲可以叫個小食，誰不知原來個面都已經好有飽足感。另一碗叫左芝士豬頸肉撈丁，啲豬頸肉燒得啱啱好，同芝士味好夾，忍唔住一啖接一啖咁樣食落去勁滿足。間舖頭比起尖沙咀乾淨企理好多，茶餐廳都係食快餐，等位都唔需要等好耐，下次芝士癮起會再去。