鰻工房 (已搬遷) 新店位置

叫得做鰻工房，就當然係一間專食鰻魚嘅日式餐廳。門面裝修以木材為主調，充滿日式風情。鋪內裝修就以日本居酒屋為概念。兩份主食都分別加配溫泉蛋、鹹菜、鰻魚肝白貝湯和玄米茶。相比起獨立叫配，叫套餐價格就更實惠。原條蒲燒鰻魚丼鰻魚同飯分別放喺兩個木盒當中，加上外加嘅配菜，感覺豐富。原條鰻魚切成細塊放入木盒，食落方便。而鰻魚嘅肉質鮮嫩，又夠厚肉，食落彈牙而且鮮味。飯入邊仲加入左紫菜同雞蛋條，食落口感更豐富。鰻魚蕎麥麵同樣分開兩個木盒上菜，蕎麥麵配有兩串鰻魚串同一條穴子。相比起剛才嘅蒲燒鰻魚，鰻魚串就比較香口同爽脆。穴子其實係星鰻，食落口感比鰻魚幼細，而口感就比較實身。最後不得不提鰻魚肝白貝湯，吸收左鰻魚嘅精華，飲落特別鮮甜，不容錯過。