唞唞 (已結業)

由剛開始發展黃色經濟圈到宜家，我最喜歡嘅黃店一定係位於西九嘅唞唞。唞唞日頭賣啡賣茶，夜晚賣酒。好似我依種只喜歡飲酒氛圍但唔喜歡酒精本身嘅人，佢哋亦都會不嫌麻煩咁問清楚我嘅取向為我度身訂造cocktail，往往調出嚟都極啱我口味！除咗啡茶酒，曾經喺夜晚試過佢哋嘅炸物，配上一流嘅黑松露醬，我諗唔到有咩比當刻更幸福！另外魔鬼藏在細節裡，無論係佢哋精挑細選嘅杯還是方形嘅冰塊，都可以睇出老闆有幾用心！