孖啡 (已結業)

哩間樓上cafe中學既時候已經黎過好多次，今日係油麻地哩邊收工，就自己過黎食個午餐。餐廳提供午餐同下午茶餐，餐牌上面亦有多款飲品同小食可以選擇。而且亦提供唔同類型既broad game，岩曬一大班朋友過黎聚會👍🏻🍝香蒜白酒蜆意大利粉 $74熱辣辣整好即刻上枱，黎到既時候仲出緊煙♨️而且超多蜆肉，食咗起碼10幾隻，仲要全部無沙，意粉拌有青椒絲、黃椒絲、洋蔥、沙律菜同番茄仔，食落去口感會豐富啲，意粉亦充滿橄欖油香味。☕️白桃紅茶 跟餐包$38飲品有淡淡白桃香味，啱晒解膩。🍰原味芝士蛋糕 午餐加$28蛋糕旁邊勁多朱古力醬🍫食落去蛋糕唔會好膩，面層仲灑上些許糖霜。整體黎講，餐廳食物唔錯，幾適合同朋友黎聚會，我相信應該唔少人中學既時候都嚟黎過，係充滿中學回憶既樓上cafe。