影片
更多
2021-03-21
456 浏览
黎到大角咀呢間好有中國特式既菜館，係商場地鋪既佢地，原來係搬左新鋪，舊址都係大角咀，應該係想搬大啲間鋪。聽聞佢地想擴展版圖，係荃灣同元朗都有分店，但食物既水準又得唔得呢？佢地呢度最出名既係片皮鴨，差唔多枱枱都必叫，佢地有半隻同一隻叫。今次我地兩人就叫左半隻，再加個本人最愛既辣子雞，同埋豆豉鯪魚炒油麥菜。先講講個片皮鴨，比外面既鴨切多左肉，加上佢地好捨得比配料，有一大兜甜醬，半碟京蔥半碟青瓜，比外面既份量多好多。隻鴨片完都仲微暖，薄餅比外面鋪頭厚，而且係凍既，但夾埋食個感覺都唔差，所以整體呢個片皮鴨都係合格既，如果夠熱既話會仲加分。辣子雞就令我有啲失望，本人都食過唔少店鋪既辣子雞，但佢呢度既做法完全唔合格，第一係無乜辣味，得啲花椒香味，第二係啲雞無炸過就放落去炒，而且一啲都唔乾身，濕立立咁，同埋係用啲雞球肉，唔係用雞件，所以呢個菜絕對係令人失望。豆豉鯪魚炒油麥菜就不過不失，豆豉鯪魚比較小，但整體都多菜，正常小菜一碟。最後試埋個高力豆沙，呢個幾有驚喜，佢入面豆沙夠熱，再加佢個皮做得好夠軟滑，食落好清新，呢個都係呢度既招牌之一，必食。整體呢個菜館都算係一間有水準既菜館，下次會試埋佢另一招牌水
佢地呢度最出名既係片皮鴨，差唔多枱枱都必叫，佢地有半隻同一隻叫。今次我地兩人就叫左半隻，再加個本人最愛既辣子雞，同埋豆豉鯪魚炒油麥菜。
先講講個片皮鴨，比外面既鴨切多左肉，加上佢地好捨得比配料，有一大兜甜醬，半碟京蔥半碟青瓜，比外面既份量多好多。隻鴨片完都仲微暖，薄餅比外面鋪頭厚，而且係凍既，但夾埋食個感覺都唔差，所以整體呢個片皮鴨都係合格既，如果夠熱既話會仲加分。
辣子雞就令我有啲失望，本人都食過唔少店鋪既辣子雞，但佢呢度既做法完全唔合格，第一係無乜辣味，得啲花椒香味，第二係啲雞無炸過就放落去炒，而且一啲都唔乾身，濕立立咁，同埋係用啲雞球肉，唔係用雞件，所以呢個菜絕對係令人失望。
豆豉鯪魚炒油麥菜就不過不失，豆豉鯪魚比較小，但整體都多菜，正常小菜一碟。
最後試埋個高力豆沙，呢個幾有驚喜，佢入面豆沙夠熱，再加佢個皮做得好夠軟滑，食落好清新，呢個都係呢度既招牌之一，必食。
整體呢個菜館都算係一間有水準既菜館，下次會試埋佢另一招牌水煮魚。人均消費都合理。
张贴
