Thaiger (已結業)

呢間位於順寧道嘅漢堡包小店個名叫做Thaiger，從店名已經可以理解得到佢係泰式嘅漢堡包。小店規模不大，主要係做外賣生意。雖然只係一間唔太顯眼嘅小店，但店主喺裝修佈局都花咗唔少心思，一路同店主傾開嘅時候，知道原來店嘅裝修一磚一瓦都係由佢自己製作，我就更加之欣賞同埋感受到店主喺經營方面有幾用心。小店亦有準備幾個座位喺室外，方便一啲希望堂食嘅食客。依家香港多咗好多呢一類嘅漢堡包店，一般都動輒近$100 ，但Thaiger呢間小店嘅定價相對地就便宜得多，漢堡包只需要$58起，而且加$20/$28仲有combo set。始終都鍾意試吓比較傳統嘅口味，我就揀咗經典牛肉漢堡。漢堡包係有新鮮烘烤過，然後入面有煙肉、芝士、牛肉、生菜、蕃茄同醬汁，漢堡牛肉相當厚身而且充滿肉汁，配合埋醬汁真係一個好唔錯嘅選擇！原隻軟殼蟹漢堡嘅軟殼蟹好大隻，完全外露於漢堡包之外。呢個漢堡同樣有生菜、蕃茄、同芝士，而最特別嘅係佢嘅咖喱醬汁，醬汁香而不辣，配合軟殼蟹嘅味道，真係食過返尋味！加咗Combo set，揀咗洋蔥圈，份量夠哂多，而且係即叫即炸，保證新鮮。佢嘅飲品都相當有風味，包裝完全係模仿緊泰國街頭嘅飲品包裝，攞住呢個