樂園 (已搬遷) 新店位置

今次食嘅晚餐好特別好好味!見到餐牌嘅"廚師發板"做緊特價,每人大約170蚊已經有好多野食,真係好抵食喲~~嗰度有虎蝦,牛柳粒,三文魚,螺肉,鵝肝多士,蟹棒仲有埋帶子!當中我最欣賞就係個帶子,廚師煮到佢恰到好處,鎖住咗d肉汁,再加埋個牛油檸檬汁簡直係絕配!!而我第二鍾意嘅就係鵝肝,佢炸得啱啱好,入口即溶,加埋個多士可以減退咗鵝肝本身嘅油膩,食完之後好有滿足感呀~我仲叫咗個焦糖朱古力,好香滑好濃郁好好味!環境方面,嗰度有好多唔同boardgames玩,食野之餘又可以多一份玩games嘅興致,啱晒d鍾意食野又鍾意玩嘅人!