人生有限杯.串燒店

营业中

休息中

想同兄弟們飲飽食醉，價錢仲要好抵，呢間真係好選擇。大部份串燒都係$10-$30，啤酒仲要買一送一，好抵玩。叫左超多野食，最得我心一定係芫荽雞絲手抓餅。第一次食到呢款菜式，大大件，滿滿芫荽香，手抓餅亦好香口；咖哩牛舌油炸鬼亦好出色，咖喱汁嘅香濃加晒分，配上脆口油炸鬼超脆，係encore之選；鵪鶉蛋卷，以黑豚片包住大大粒鵪鶉蛋，再灑上紫菜，味道同口感都好豐富；燒雞中翼不得不讚火候拿捏得好好；雞腿肉肉厚飽滿，雞皮燒到微微脆都唔錯；仲有白鱔、蟶子、燒雞肝、味噌松板豬、雞軟骨、雞腎、雞皮⋯食咁多，埋單每人都唔使$400。