吉士咖啡店 (已結業)

嚟到長洲已經係中午時間，見到呢間咖啡店環境唔錯，就入黎試吓。先叫左一個全日早餐🥣有煙肉、炒滑蛋、紐倫堡腸、煙三文魚、燕麥脆乳酪杯、牛角包、沙律菜，真係睇到已經勁開心，炒蛋係金黃色，真係好香蛋味，亦都好滑身🤤腸仔同煙肉亦都煎得好香，煙三文魚又好夠味，牛角包亦都焗得好脆，仲有健康嘅乳酪杯同埋沙律菜，非常豐富🤭另外朋友就叫佐金莎大蝦意粉🍝一個意粉有兩隻大蝦，每隻蝦都有煎香過金加埋鹹蛋黃，好鹹香，你亦都食到蝦嘅彈牙同爽嫩，啲意粉都充滿蛋黃嘅鹹香🤗係有啲蛋黃醬去煮出嚟，真係好好食😋飲品就叫佐一杯Mocha☕️呢杯咖啡味唔太濃，反而更重朱古力既味道，香醇濃郁，奶味亦好重😆岩晒唔太飲到咖啡既我，想飲下咖啡又唔想太濃味就岩晒啦😌