元札幌拉麵 (宇晴軒商場) (已結業)

今次同朋友一齊去左食日本野──元札幌拉麵，我地一人叫左一個定食，之後仲叫左2款小食。定食包左面豉湯，茶碗蒸，沙律，以及一碗白飯，飲品就包左一枝汽水。首先講下吉列炸蠔定食，炸蠔外層炸粉唔厚，做到外脆內軟，唔腥之餘仲食得出幾新鮮。茶碗蒸味道都唔錯，而且好夠滑，個人比較怕太鹹嘅面豉湯，不過呢間食店嘅面豉湯嘅味道好適合我，唔會過鹹。而三文魚定食嘅三文魚份量都多，仲幾好味，色澤均勻而且都算新鮮。另外，小食我地叫左一個海鮮大板燒同一串安格斯牛肉串燒，呢間嘅海鮮大板燒用料足，份量多，而且味道相當好食。安格斯牛肉串燒肉質不錯，要趁熱食，唔係就會有D油。整體嚟講，呢間食店嘅食物質素唔錯，店內環境舒服，店員嘅服務都唔錯。