影片
更多
2025-08-14
0 浏览
元朗YOHO MALL新開酒樓｜飲茶手工特色點心造型精緻打卡美味呢排成日帶小朋友出去上興趣班，路過YOHO mall見到有間新開酒樓，墨綠色主調的門面，有好多人係門口到等，我地都唔執輸，叫埋屋企人即刻攞張飛入去飲茶。入到去我地都嘩左一聲，成個場地冠冕堂皇好華麗，左邊全是落地玻璃，自然光感好開揚，座位舒適空間足夠，坐滿食客，十分熱鬧！攞住張點心紙，選擇很多，亦有彩色圖示，點心由師傅每日新鮮手工製作，心大心細之下我哋揀咗：金光燦爛點心盛盆～必點！有流金熊貓包、蟹籽鮮蝦燒賣皇兩件、紅菜頭野菌餃兩件、囍雲蝦餃皇兩件、薑汁千層糕，以大蒸籠展示十分吸睛，囍雲蝦餃皇皮薄餡鮮，紅菜頭野菌餃餡多香鮮味美，蟹籽鮮蝦燒賣皇大大件，最鍾意個流金熊貓包，流沙包餡真係十分可愛又好味。一個盛盆可以試齊幾款精美點心，絕對係相機食先，打卡一流。 西班牙黑毛豬叉燒酥：有三件，以木紋托盤展示，十分古典，叉燒酥以中國結紅絲帶襯托，造型可愛。叉燒酥外皮金黄酥脆，夾著西班牙黑毛豬和蜜汁叉燒內餡一齊食，雙重美味。雜果雲吞盞：有三件，大大件好足料，雲吞盞脆口配上沙律雜果十分清新魚子青森縣溏心蛋：有六件，溏心蛋以白色瓷勺匙羹盛載，放在
呢排成日帶小朋友出去上興趣班，路過YOHO mall見到有間新開酒樓，墨綠色主調的門面，有好多人係門口到等，我地都唔執輸，叫埋屋企人即刻攞張飛入去飲茶。
入到去我地都嘩左一聲，成個場地冠冕堂皇好華麗，左邊全是落地玻璃，自然光感好開揚，座位舒適空間足夠，坐滿食客，十分熱鬧！
攞住張點心紙，選擇很多，亦有彩色圖示，點心由師傅每日新鮮手工製作，心大心細之下我哋揀咗：
金光燦爛點心盛盆～必點！有流金熊貓包、蟹籽鮮蝦燒賣皇兩件、紅菜頭野菌餃兩件、囍雲蝦餃皇兩件、薑汁千層糕，以大蒸籠展示十分吸睛，囍雲蝦餃皇皮薄餡鮮，紅菜頭野菌餃餡多香鮮味美，蟹籽鮮蝦燒賣皇大大件，最鍾意個流金熊貓包，流沙包餡真係十分可愛又好味。一個盛盆可以試齊幾款精美點心，絕對係相機食先，打卡一流。
西班牙黑毛豬叉燒酥：有三件，以木紋托盤展示，十分古典，叉燒酥以中國結紅絲帶襯托，造型可愛。叉燒酥外皮金黄酥脆，夾著西班牙黑毛豬和蜜汁叉燒內餡一齊食，雙重美味。
雜果雲吞盞：有三件，大大件好足料，雲吞盞脆口配上沙律雜果十分清新
魚子青森縣溏心蛋：有六件，溏心蛋以白色瓷勺匙羹盛載，放在木質托盤上，擺盤精緻，溏心蛋表面鋪滿橙紅色魚子醬，與半凝溏心蛋爆裂鲜甜絕配。
陳皮香茜牛肉腸：有六件，切段一口一件 晶瑩粉皮包著牛肉香濃鮮嫩彈牙。
香煎蘿蔔糕：煎得焦香，配上甜醬和辣醬，蘿蔔糕內有粒粒蘿蔔有嚼勁，屋企人好喜歡。
金牌燒味配白飯：我哋選了「蜜味叉燒皇」，叉燒肥瘦適中，配上白飯小孩最愛。
上菜速度都很快，服務員會主動來添水斟茶，見到隔籬枱有另一個鳥籠打卡嘅點心下次一定要點，下次可以約埋長輩屋企人朋友一齊再嚟飲茶。
张贴
