未開張之前已經有留意呢間餐廳🤣「我老公」 個名改得好盞鬼！
🌟用餐體驗：
《招牌鵝片》 呢個係餐廳招牌菜，味道香，酸汁開胃，但係唔好期望非常大份，其實個底係有滷水豆腐墊住🤣
《廚師推介蒸東星斑》 非常新鮮，肉汁鮮嫩，亦都有專人幫手拆開魚肉再擺塊靚個盤，個人覺得非常出色。
《粿肉卷🫔》點之前其實都唔知係咩嚟，叫完之後一咬落去，外皮非常鬆脆，入面豬肉同蓮藕粉我自己就一般般，感覺唔係太彈牙，會偏粉狀一點。
🌟環境裝修：
環境裝修有嚇一跳，今次坐喺中間的位置，原路經過一條長走廊，周圍都有壁畫裝飾，枱與枱之間都有非常好嘅距離，呢一點好欣賞！
