影片
更多
2024-03-15
38 浏览
今日係我地既銅婚 copper wedding第一場就係去食放題😆民以食為先呢度上一手我地都試過見轉左手英文名係Together 好啱今日咁有意義既日子嚟食午市成人(雪)$238/位，升級$190/位放題梗係要點刺身啦～種類都幾多：三文魚、吞拿魚、赤貝、北寄貝、榮螺、帶子、甜蝦、赤蝦、油甘魚、黑鯛薄切、池魚、希靈魚、八爪魚同埋仿鮑片其中甜蝦幾鮮甜大隻，赤蝦都唔錯肉質爽，黑鯛魚薄切第一次試～白魚幾鮮甜，其餘正常升級可以叫生蠔～先嚟半打，賣相睇得出既新鮮，肉質肥美唔錯手卷：要讚呢個上法紫菜可以keep到脆口芝士蟹籽、火灸左口魚邊～唔錯魚油豐富、海膽～無澀味少少甜不錯、軟殼蟹～幾脆口蟹肉茶碗蒸～比平時既多左份鮮味蛋夠滑蟹味噌甲羅燒配米脆脆叫左兩轉蟹膏熱辣辣上枱，用米脆脆蘸或用羹搽上面都一絕好好食冰火鵝肝多士～好邪惡多少脆得嚟唔乾串燒：鰻魚西京燒串～食到鰻魚皮既焦香味，肉質軟糯、雞軟骨、蜜糖一口腸、慢煮牛舌、豬頸肉，即叫即整夠熱海鮮：扇貝黃金燒～都幾大粒、比目魚西京燒～配埋蛋黃醬係我既最愛之一，魚皮邊脆口豐富魚油。燒物叫左味淋魚乾配酒一流飲品：青檸柚子氣泡老公飲左兩杯+可樂，我要左支烏龍茶同埋
第一場就係去食放題😆民以食為先
呢度上一手我地都試過
見轉左手英文名係Together
好啱今日咁有意義既日子嚟食
午市成人(雪)$238/位，升級$190/位
放題梗係要點刺身啦～
種類都幾多：三文魚、吞拿魚、赤貝、北寄貝、榮螺、帶子、甜蝦、赤蝦、油甘魚、黑鯛薄切、池魚、希靈魚、八爪魚同埋仿鮑片
其中甜蝦幾鮮甜大隻，赤蝦都唔錯肉質爽，黑鯛魚薄切第一次試～白魚幾鮮甜，其餘正常
升級可以叫生蠔～
先嚟半打，賣相睇得出既新鮮，肉質肥美唔錯
手卷：要讚呢個上法紫菜可以keep到脆口
芝士蟹籽、火灸左口魚邊～唔錯魚油豐富、海膽～無澀味少少甜不錯、軟殼蟹～幾脆口
蟹肉茶碗蒸～比平時既多左份鮮味蛋夠滑
蟹味噌甲羅燒配米脆脆叫左兩轉
蟹膏熱辣辣上枱，用米脆脆蘸或用羹搽上面都一絕好好食
冰火鵝肝多士～好邪惡多少脆得嚟唔乾
串燒：鰻魚西京燒串～食到鰻魚皮既焦香味，肉質軟糯、雞軟骨、蜜糖一口腸、慢煮牛舌、豬頸肉，即叫即整夠熱
海鮮：扇貝黃金燒～都幾大粒、比目魚西京燒～配埋蛋黃醬係我既最愛之一，魚皮邊脆口豐富魚油。
燒物叫左味淋魚乾配酒一流
飲品：青檸柚子氣泡老公飲左兩杯+可樂，我要左支烏龍茶同埋梅酒，自己飲晒一支～爽
天婦羅：首先粉漿唔厚～大蝦～爽口、南瓜～清甜、蕃薯仔正常、黑松露大蝦都幾夾。
揚物：榴槤炸彈～老公最愛之一、三重芝士炸雞唐揚～建議可以加埋熱溶芝士會更正、明太子芝士年糕～年糕唔錯明太子可以再重手d。
西日料理：肉桂焦糖燒菠蘿～估唔到幾夾
甘味：木糠布甸、吉士奶黃鯛魚燒～紅豆餡底下有吉士醬，皮脆紅豆餡唔會太甜，幾好食。跟住再食左支芋頭雪條。
由於我個胃無咁多位置，所以係無試晒131款食物，咁樣食法已經飽左9成～整體食物唔錯，飲品種類除左落單外仲有雪櫃入面既茶同汽水。
環境座位寬敞唔擠迫，除左有卡位，圓枱，行入d見到有塌塌米，好少放題有塌塌米，無漏單上菜算快，店員親切有禮，埋單會問有無野未嚟，下次可以嚟試埋其他。
张贴
