影片
更多
2025-05-15
138 浏览
今年母親節飯，屋企人提議食泰國菜，於是拍板決定食元朗”公車”🤎夜晚8點嚟到全場滿座，門口仲有好多人等緊位，等咗半個鐘成功入到去。推算爆場原因好大部分都係衝住「加一蚊換購」優惠而去，本身個套餐已經抵，仲有🈹$1換購半隻雞優惠，CP值爆錶，難怪座無虛席，有啲枱仲做到兩轉，勁呀。冬蔭醬燒骨落完單後店員埋嚟話$1海南雞同燒雞賣晒🥲唯有改叫冬蔭醬燒骨啦，反正都係$1蚊雞🙆🏻♀️雖然$1蚊但個份量無呃人，唔會hea你，真正大件夾抵食！冬蔭海鮮湯夠酸夠辣，有幾隻中size蝦泰式沙嗲（燒豬串+燒雞串）好厚肉，食落唔乾柴，個沙嗲汁花生味濃郁得嚟幾甜泰式炒蜆真係隻隻都有蜆肉唔係得個殼😆除左九層塔嘅香，個醬仲有甜辣味，好惹味泰式黃咖喱豬辣度偏少甜度偏重，配白飯佳品泰式肉碎生菜包走咗辣，有少少香茅味檸檬葉味，清爽開胃，份量勁多肉碎多到連啲生菜都唔夠用 （最後打包返屋企加餸🙂↕️)泰式明爐烏頭魚 原條烏頭魚肉質結實，唔鬆散唔韌，唔腥無泥味，好大條，夠4個人食。個湯酸酸地，面頭比配料覆蓋晒，配大量秀珍菇，芹菜，薑葱，肉碎等吊味好惹味，如果加多啲辣椒再惹味啲添🤓原條燒魷魚燒得啱啱好，爽脆唔韌芒果糯米飯 個芒果好甜無
夜晚8點嚟到全場滿座，門口仲有好多人等緊位，等咗半個鐘成功入到去。推算爆場原因好大部分都係衝住「加一蚊換購」優惠而去，本身個套餐已經抵，仲有🈹$1換購半隻雞優惠，CP值爆錶，難怪座無虛席，有啲枱仲做到兩轉，勁呀。
冬蔭醬燒骨
落完單後店員埋嚟話$1海南雞同燒雞賣晒🥲唯有改叫冬蔭醬燒骨啦，反正都係$1蚊雞🙆🏻♀️雖然$1蚊但個份量無呃人，唔會hea你，真正大件夾抵食！
冬蔭海鮮湯
夠酸夠辣，有幾隻中size蝦
泰式沙嗲（燒豬串+燒雞串）
好厚肉，食落唔乾柴，個沙嗲汁花生味濃郁得嚟幾甜
泰式炒蜆
真係隻隻都有蜆肉唔係得個殼😆除左九層塔嘅香，個醬仲有甜辣味，好惹味
泰式黃咖喱豬
辣度偏少甜度偏重，配白飯佳品
泰式肉碎生菜包
走咗辣，有少少香茅味檸檬葉味，清爽開胃，份量勁多肉碎多到連啲生菜都唔夠用 （最後打包返屋企加餸🙂↕️)
泰式明爐烏頭魚
原條烏頭魚肉質結實，唔鬆散唔韌，唔腥無泥味，好大條，夠4個人食。個湯酸酸地，面頭比配料覆蓋晒，配大量秀珍菇，芹菜，薑葱，肉碎等吊味好惹味，如果加多啲辣椒再惹味啲添🤓
原條燒魷魚
燒得啱啱好，爽脆唔韌
芒果糯米飯
個芒果好甜無渣，糯米飯微暖軟身，唔會硬實一舊舊，配椰奶正呀😋
张贴
