辣得過癮

营业中

休息中

鄰近朗屏西鐵站C出口，步行約3分鐘就抵達。係一間外賣小店，餐廳主打漢堡🍔、pizza🍕同一啲炸物小食🌮。清真菜雖然無豬肉，但係都有好多菜式可供選擇，而且價錢又唔算貴。🍕免治牛肉pizza - 12吋呢個份量都夠三個人食，先講個包皮，入口好煙韌，充滿彈性，而且唔鹹。個餡就超豐富，啖啖都係免治牛肉，仲有洋蔥、紅椒同芝士。叫咗BB辣，食落有少少辣好開胃🤤。一次食左3塊都吾覺滯。🐟炸魚薯條🍟魚柳同薯條炸到金黃香脆，點埋千島醬更惹味。🍢雞肉串雞肉熱辣辣即點即燒，上面落咗啲特別嘅香料食落香得來又帶少少辣。雞肉趁熱食口感嫩滑，就算凍左都仲好彈牙。⭐️⭐️所有食物即點即製，建議大家先打電話📲落單先，吾係就好似我咁企係度等好耐🤣。