影片
更多
2023-11-20
77 浏览
已經幾年冇食放題，今日心思思想去食，朋友介紹呢間係元朗新開既西日放題，所以就book黎試下。餐廳分別有西式同日式既裝修，一坐低驚覺而家既放題都已經跟上左時代既步伐，已經轉晒做手機叫野食，唔再係以前tick紙仔果種😳〈刺身〉食放題必叫刺身，我地叫左三文魚，油甘魚，甜蝦，即開時令生蠔，每款刺身都算新鮮，質素合格，生蠔唔係特別肥美，但入口味道算鮮甜。〈壽司〉呢到既壽司同出面既放題餐廳一樣，size偏細，一樣可以試到唔同款式壽司而又唔怕會太飽。個人推薦火灸麻辣三文魚，火灸牛肉同花之戀，都好惹味。〈海膽手卷、火灸左口魚邊〉係迷你version，滿足到我想食海膽手卷既願望同時又唔怕會塞飽左個胃食唔落其他野。海膽味道鮮甜。炙燒過後既左口魚邊不得了，魚油半溶充滿整個口腔。〈明太子芝士年糕、吉烈炸蠔、一口炸芝士、同埋紫心香芋丸、炸蝦天婦羅〉佢既炸物都幾出色，我個人最鐘意明太子芝士年糕，煙煙韌韌，即叫即炸，入面既芝士仲係流心。吉烈炸蠔，一口炸芝士，同埋紫心香芋丸都唔錯，可以一戰。〈焦糖菠蘿〉食到咁上下就叫啲生果食下，去放題又係必叫焦糖菠羅，上面既焦糖夠晒多同脆，菠蘿酸酸甜甜好開胃。〈飲品〉飲品方面除左雪櫃
餐廳分別有西式同日式既裝修，一坐低驚覺而家既放題都已經跟上左時代既步伐，已經轉晒做手機叫野食，唔再係以前tick紙仔果種😳
〈刺身〉
食放題必叫刺身，我地叫左三文魚，油甘魚，甜蝦，即開時令生蠔，每款刺身都算新鮮，質素合格，生蠔唔係特別肥美，但入口味道算鮮甜。
〈壽司〉
呢到既壽司同出面既放題餐廳一樣，size偏細，一樣可以試到唔同款式壽司而又唔怕會太飽。個人推薦火灸麻辣三文魚，火灸牛肉同花之戀，都好惹味。
〈海膽手卷、火灸左口魚邊〉
係迷你version，滿足到我想食海膽手卷既願望同時又唔怕會塞飽左個胃食唔落其他野。海膽味道鮮甜。炙燒過後既左口魚邊不得了，魚油半溶充滿整個口腔。
〈明太子芝士年糕、吉烈炸蠔、一口炸芝士、同埋紫心香芋丸、炸蝦天婦羅〉
佢既炸物都幾出色，我個人最鐘意明太子芝士年糕，煙煙韌韌，即叫即炸，入面既芝士仲係流心。吉烈炸蠔，一口炸芝士，同埋紫心香芋丸都唔錯，可以一戰。
〈焦糖菠蘿〉
食到咁上下就叫啲生果食下，去放題又係必叫焦糖菠羅，上面既焦糖夠晒多同脆，菠蘿酸酸甜甜好開胃。
〈飲品〉
飲品方面除左雪櫃一般見到既汽水，忌廉溝鮮奶，啤酒等等，手機到都好多選擇，例如有熱茶可以解膩。最驚喜係有啤酒麒麟生啤可以任叫，賣相仲好靚仔。朋友叫左杯青柑鮮奶梳打仲唔錯，味道幾特別。
〈甜品〉
呢到既甜品選擇都好多，除左一般放題店會見到既雪條雪糕櫃，佢係手機果到仲有好多選擇，有心太軟，忌廉布甸，haagendazs雪糕等等。我好鐘意佢既忌廉布甸，布甸上有cream同車厘子，個樣好復古。入口好重奶同蛋香味，甜度適中，質地軟滑。
總括黎講今餐真係好抵食，食物種類真係算多。我以往對放題既既定印象係必定會漏單，呢到好抵讚既一樣野就係佢係完完全全係黎齊晒，一件不漏！
张贴
