大滾友火鍋

今日入元朗揾朋友聚个旧，佢介绍我食呢间，九半后有8折，都好多人下，不过十几分钟都入到座，可以谂定想嗌咩食先。我话想食蚬，所以嗌左泰式冬阴公卜卜蚬锅，一上个锅觉得阵容鼎盛，啲蚬都几大只又多，起码三十几只，仲要好鲜，食到啲壳搭到劲高，都几抵。另外嗌左鲜鲍鱼，系几鲜，咬落去有啲弹性，软硬适中。桂花蚌爽口弹牙带点鲜味。鹅肠脆爽滑嫩，烫几秒钟，微微打卷既状态系最好，唔洗松开筷子，煮老左就会无咁好食。蟹子鲜虾滑，爽口弹牙，蟹子痴住左系虾滑上面令佢食落有口感，好鲜嫩。猪颈肉油脂唔多，肉中带有软筋，口感软嫩，不过相比起其他野食就显得无咁特别。手打鲜牛丸比起普通牛丸软身啲，但保留左牛肉本身个种鲜嫩的口感。最后有个甜品送，拣左朱古力奶冻，味道还可以。