影片
更多
2024-07-25
228 浏览
～純屬食客，不做打手～趁暑假孩子外遊，我終於可以收爐唔使日日煮飯。係openrice掃下，就比我見到呢間“大滾友”，見到食評同賣相都唔錯，就即刻訂個晚餐試試！先講環境，裝修明顯係中式宮庭風，一進店已覺得好華麗好高級。我兩個人去食，以為會比張細枱我地，但帶左我倆去左角落有屏風嘅中型枱，我嘅奄尖老公已經將呢樣加分，佢最怕人貼人坐，坐得舒適，對佢嚟講好重要。然後手機點餐，店員哥哥好helpful，我地不懂就問無嚇怕佢，佢主動serve我地但無太熱情，無over，咁樣令我覺得好舒服無壓力。而其他妹妹店員都好有笑容，好樂意為你服務，對呢間舖印象又提升左好多。講真，員工代表店舖，先唔講啲嘢好唔好食，但你咁有heart做嘢，多少都會有人情分，right？好啦，主題來了。我一打開個app，就決定要個二人套餐，因為想食嘅同全部都有，我個人通常預訂餐廳，都會先反覆睇下有咩食同已一早決定心水食物，我好少去到先揀，所以我一見到有套餐而又有齊我想食嘅，我毫不猶豫就揀左。當然，都要問下老公好唔好啦。二人套餐有咩呢，有以下嘅嘢：一個花膠半隻雞湯底一份細牛拼盤一份伊比利亞橡果豬一份四件炸黃金響鈴然後有啲optiona
趁暑假孩子外遊，我終於可以收爐唔使日日煮飯。係openrice掃下，就比我見到呢間“大滾友”，見到食評同賣相都唔錯，就即刻訂個晚餐試試！
先講環境，裝修明顯係中式宮庭風，一進店已覺得好華麗好高級。我兩個人去食，以為會比張細枱我地，但帶左我倆去左角落有屏風嘅中型枱，我嘅奄尖老公已經將呢樣加分，佢最怕人貼人坐，坐得舒適，對佢嚟講好重要。
然後手機點餐，店員哥哥好helpful，我地不懂就問無嚇怕佢，佢主動serve我地但無太熱情，無over，咁樣令我覺得好舒服無壓力。而其他妹妹店員都好有笑容，好樂意為你服務，對呢間舖印象又提升左好多。講真，員工代表店舖，先唔講啲嘢好唔好食，但你咁有heart做嘢，多少都會有人情分，right？
好啦，主題來了。
我一打開個app，就決定要個二人套餐，因為想食嘅同全部都有，我個人通常預訂餐廳，都會先反覆睇下有咩食同已一早決定心水食物，我好少去到先揀，所以我一見到有套餐而又有齊我想食嘅，我毫不猶豫就揀左。當然，都要問下老公好唔好啦。
二人套餐有咩呢，有以下嘅嘢：
一個花膠半隻雞湯底
一份細牛拼盤
一份伊比利亞橡果豬
一份四件炸黃金響鈴
然後有啲optional嘅選擇，比如餃子，蔬菜，一款海鮮；我地揀左蟹膏（黃？）餃子，蟶子同油麥菜。而當中大滾友做身份證“7”字優惠，又送左一份人頭計嘅海鮮拼盤，有廣島蠔，蝦，帶子，墨魚仔。
湯底嚟到梗係飲湯先啦！湯底好濃，有嗰似我去食翅嗰種味，然後花膠真係好足料，好大片，店員幫我地剪入鍋，然後我地就開始慢慢開吃了。
雞呢，好肥美，但因為有更好食嘅嘢，我無乜點品嚐，但肯定係無雪味同滑嘅。
然後因為怕食唔哂，拼盤只要左牛崩沙同牛頸脊，其他部份無要。我就鐘意食牛崩沙，滑啲淋啲，牛頸脊牛肉味濃同香啲。但講到意外驚喜，竟然係豬！！
伊比利亞橡果豬好滑，好香，完全無一般豬肉嗰種腥味，我個人好鐘意，覺得比牛更好食。
至於餃子，唔好食。炸黃金響鈴呢，其實你好食嘅，但我覺得好“漏”。其餘海鮮類不過不失，除左廣島蠔。蠔有啲腥，我本身唔鍾意食廣島蠔，有偏見都唔定。
竹庶茅根水强烈推薦，叫套餐可以任飲，我真係想叫返十枝八枝返屋企飲，勁好飲呀！！！
最後仲有個火焰豆腐花甜品，老公食左兩碗，佢話估唔到火焰燒完啲豆腐花係凍嘅，有驚喜不過都係豆腐花嚟，係好食但不至於好讚。
總括嚟講，真係好食嘅，而且兩個人真係食唔哂，我覺得三四個人都夠食，價錢係值嘅，食完唔會覺得好唔抵喎同食貴左。味道同服務都好好，優惠都好多。我相住我地會再去。不過我要回下氣，飽到而家早餐都食唔落呀！！！
张贴
