小曼谷泰國美食 (教育路) (已結業)

元朗大把好野食，而泰國野係歷久常新，係幾時都想食。而今次試呢間叫小曼谷泰國美食都幾出名，係九龍城食過，今次黎到元朗，食物一樣都係咁有水準。叫左泰式鮮蝦炒金邊粉，出面食既炒金邊粉會好咸同唔夠乾身，但小曼谷炒得夠乾身，味道岩岩好，而且都幾多蝦。泰國都幾興食蠔餅，見到有個鐵板上，又塞到滿哂咁，就決定試下泰式鐵板蠔餅。果然，粒粒蠔都好大粒，而且蛋既份量都夠，唔會蠔多個蛋或者蛋多個蠔。最後，覺得係最好食既明爐香檸汁蒸桂花魚，佢唔係燒嘅魚或者係鹽焗烏頭個種乾既食法，而係有湯要有明爐煮住後食濕既食法，酸酸味味又重蔥蒜頭味，個湯勁開胃，桂花魚肉質實實地岩哂，食得辣既可以叫加辣。元朗都有高質泰國菜，唔洗次次想食泰國野都老遠出九龍城嚕。