旮旯 (已結業)

之前見有人推介已經想食好耐，今日有朋友過開來元朗所以就帶佢去試吓，我自己都未食過。晚餐主要係食魚，一個餐大約$150，包主食，一碗飯或者意粉，甜品，飲品。我同朋友就各自各叫咗劍魚腩同埋油甘魚劍魚腩油脂豐富，一擺落口已經食到佢嗰種油脂嘅味道。我叫咗個小米食，佢配左個清酒湯可以林落啲米上面，口感清新特別。另外佢嗰個極光茶，係用碟豆花同埋綠茶構成，幾特別。另外朋友個油甘魚賣相都好吸引。最後仲有點咗卷蛋，呢個係定位之前要訂定，因為好快冇晒。叫咗一個綠茶味同埋一個伯爵茶味，綠茶嘅味道會比較突出同埋濃郁的，另外嗰個就冇咁突出。最後在外賣多一盒麥糍$58有16粒，即係糯米糍入邊包住麥提沙，呢個可以再值得一食，賣相好吸引同埋好好食。