沐淳 (已結業)

元朗高汁手搖飲品店。呢間元朗小店，成日都見到好多人幫襯。飲完之後，而家終於明點解，因為真係好高汁。叫咗兩杯飲品:🍠芝雪大甲芋頭鮮奶+小芋圓 ($36+6) - 會叫呢一杯，首先係因為我朋友係芋圓嘅粉絲。見到廣告牌話芋圓係台灣直送，就即刻叫。飲落芋圓好煙韌，有咬口，係我鍾意嘅嗰一類，仲有啖啖芋泥，加埋個芝蓋勁好飲，下次我都自己嗌返一杯先。🍍芝雪鮮鳳梨莎莎 ($39) - 呢排嘅台灣鳳梨咁popular, 真係冇理由唔叫返一杯鳳梨黎飲下。口味超清新，仲飲到啖啖果肉，以為個芝士奶蓋會膩咩？鳳梨嘅清爽就啱啱將佢中和左，仲好夾添。我喺等巴士嘅短短4分鐘就已經飲晒，真心解渴同好飲。仲要一提嘅係，我本身飲手搖飲品都會叫小糖，今次唔記得叫，但一啲都唔會話超甜，仲啱啱好😋下次行開過嚟，會再幫襯😆元朗國，而家又多一個有好嘢食嘅地點。