鮨一心 (已結業)

上午入元朗做野，午餐為咗慰勞自己，一於揀間omakase食。omakase除左食材新鮮，仲要睇師傳功架，知道鮨一心既日本師傅係由老牌日本餐廳見城過黎，於是去試下。門口用黑色磚設計格調高雅，有種神秘既感覺，更特出左翠綠色布簾上「鮨一心」。Bar counter得8個座位，建議預早book定。我揀左400元既omakase。有兩款前菜溫泉蛋啫喱，蛋香濃郁，做到流心效果，醬油做法好特別雪凍成啫喱，配上幼細青蔥，整體好夾日本東風螺，食得出螺好新鮮，螺肉肥大，肉質爽彈且無沙有十貫壽司壽司飯色澤油亮、粒粒飽滿，咬落有韌勁，糖、醋拌得適中，酸甜剛剛好，十分開胃，而且飯唔會散開。其中最為欣賞嘅係海膽，海膽有光澤且肥厚，質感細滑，食落甘潤順喉簡直鮮甜味美另外紫菜亦烘得好香脆。另外有驚喜既係赤身吞拿魚，師傅先煙燻過，再係面頭灑上芝麻、蒜、香蔥，淡淡煙燻味帶點辛香味正！再者吞拿魚腩，魚脂甘香，肉質嫩滑，無筋無渣簡直入口即溶(拖羅一直是我的最愛)食完壽司，來碗熱湯暖暖胃湯用上鮮肉、昆布、豆腐卜、蔥花湯底熬製，配料豐富有別於一般嘅麵豉湯。最後以甜品作完滿結束意大利咖啡雪糕，內有果仁粒好有咬口，而且雪糕幼滑，咖啡