新明苑宴會廳 (已結業)

老人家最鍾意去酒樓早午晚三餐，叫呢度飯堂，因為屋企人鍾意呢度夠平，有街坊酒樓的感覺。星期四晚上八點半，元朗好多食肆都已經冇人，眼下附近二間火鍋店，一枱客都沒有，上到酒樓2樓，都有九成入座率。六個人叫咗六個餸，乳鴿特價18.5一隻，因為乳鴿細隻，一隻只可以切開兩邊，味道不錯。乳豬半隻，皮依然脆口，足半隻。金銀蛋莧菜，正常味道。清蒸石斑，阿姐話足一斤，都應該係，係個魚嘅豉油咸咗啲。西芹腰果炒雞柳，腰果唔係放面，所以有啲淋左。煎蓮藕餅，比較多肥肉，不過就易入口。埋單＄700有找、又有魚，又有乳豬，確係抵食，帶屋企人出去其他洒樓食飯幾次，都比佢哋話咁貴嘅，確實街坊酒樓又好難同其他比較嘅。