千賀水產 (已結業)

之前睇到一個網上節目，介紹元朗有一個磯燒放題！主持人介紹都真係好吸引！今次有個長假期我哋就入去元朗試吓！原來午餐成人都只係百幾蚊就有得任飲任食，十分之抵！食海鮮磯燒放題，最吸引當然係海鮮啦！份量有好多而且好大！我同朋友都10分興奮！燒赤貝好鮮甜，睇住貝殼慢慢開口，心情都好緊張，燒嘅時候已經傳來陣陣嘅海鮮味！入口果然鮮甜！另外燒帶子亦都唔錯，職員有時仲會幫手燒，原來燒嘅時候都要加一啲清酒，唔怪得我哋入口甘香！燒粟米同埋翠玉瓜都好鮮甜！另外仲有燒蠔同埋清酒煮蜆！鮮味鮮甜十足！有淡淡的酒香！口感感覺好豐富！另外呢度嘅芝士燒煮蛋亦都好特別！蛋入邊已經加左芝士，燒到半熟嘅時候將佢攪勻，超滑！芝蛋味好濃！燒蠔係熟食來的，蠔身不太大，芝士絕不手緊！刺身算係唔錯！每樣都鮮甜！雖然冇入口即溶嘅感覺，但百幾蚊來講已經係超值！特別想一提係刺身螺肉非常之甜，有𡁻口！壽司選擇唔太多， 但海膽蝦同埋皇帝蟹棒都係超級好食！燒到外層有淡淡的焦味！好香！特別推介嘅係呢度嘅海膽蟹膏粥！將飯倒入湯底內煮幾分鐘之後，再倒入材料蟹膏同埋海膽混和，慢慢攪拌！入口超香超綿！蟹膏同埋海膽嘅鮮味非常之突出！我哋每個都話要encore！