Darci by Aldou (已結業)

元朗周圍真係有好多好野食呀，放工之後行下搵下就見到一間西餐廳好似唔錯幾吸引咁，就叫埋屋企人去試下。夜晚7點幾都已經full house，心諗呢間餐廳食物質素應該幾好.平常食飯都鍾意睇下dinner set，感覺抵食啲，唔使自己諗。今次就揀左個$388 既set 有齊前菜、餐湯、意粉/飯同主菜。 前菜就食左白酒忌廉煮藍青口，首先青口肉唔會煮得好韌同老之餘， 仲有大大隻好滿足，白酒既香味好突出，忌廉湯煮得夠滑。蘑菇湯好鮮甜creamy又唔太肥膩，蘑菇香氣好突出。佢仲有個餐包配個湯或者橄欖油同醋俾我地點，佢個餐包有少少似薄版既pita bread，出面好少見。之後Main course 開始黎了，Parma ham 牛肝菌意粉，個意粉軟硬適中，Parma ham 唔算鹹牛肝菌味道濃郁，配意粉一流。西冷扒叫左medium 出黎真係medium，唔會overcooked，肉質夠嫩唔會要𡁻好耐都咬唔爛，好juicy 肉味濃，鍾意食牛扒既一定要叫呢個。