Zoe韓式便當

呢間位於元朗嘅韓式外賣店，啱晒收工嘅時候好方便咁買返屋企食！可以預先WhatsApp落單，之後去到舖頭就直接有得攞。食物份量充足，味道不俗，價格恰宜，用心製作，值得再幫襯。

韓式炒粉絲，呢碟炒粉絲有牛肉同埋多款野菜，炒得香噴噴，粉絲吸收咗好多味道，牛肉嫩滑，口感一流。

鰻魚蛋蓋飯，半條鰻魚搭配炒蛋，佢唔似平時既日式蛋蓋飯，口味簡單但又好滋味，鰻魚用左好少同蛋嘅香味真係無敵！

芝士蟹籽蛋卷，味道豐富，蟹籽嘅鹹香味同芝士嘅濃郁感，搭得好好。

甜辣醬炒八爪魚，甜辣醬炒八爪魚就係另一番風味，八爪魚煮得剛好，口感彈牙，甜辣醬又唔會太overpower，恰到好處，令人一口接一口。

黑糖珍珠奶茶，手打檸檬茶，飲品方面，黑糖珍珠奶茶好香滑，珍珠又Q彈，略嫌黑糖味不夠，手打檸檬茶就酸酸甜甜，特別解渴，兩杯都好大杯，真係超值！