幸福森林咖啡館 (已結業)

放假去左錦繡花園搵朋友聚舊，佢帶我去左附近一間幾隱蔽既cafe。一間小木屋，入面有幾張枱，有咖啡師負責沖咖啡，環境幾舒適，系呢度食野好relax！炸魚薯條 $108炸魚表面好薄好脆口，表面夾雜左啲香草一齊去炸，魚肉厚身軟嫩，size長過手掌，配特製香草沙律醬。粗薯條份量亦都多，炸得乾身吾油膩。蕃茄大蝦扁意粉 $128貌相100分，有2大隻虎蝦，蕃茄味酸甜度控制得好好，配搭左紅椒、黃椒、蕃茄仔等配料，令味道同口感都昇華。黑松露野菌忌廉湯 $35貌相高質，黑松露味好香濃，口感creamy，飲落會有菇菌碎，旁邊仲配有一塊烤牛油多士。黑芝麻芝士蛋糕 $62甜品系cafe每日新鮮製造，所以每日既款式同數量都吾多。呢款芝士蛋糕質感幾滑但較為實正，食落無膩感，芝麻味幾香，吾會食到芝麻碎。Cappuccino $40由咖啡師拉花出黎既Cappuccino，拉左好多層次，睇得出有啲功力！一放上枱已經聞到好香濃既咖啡味，不過較為細杯。Chocolate $40無諗到普通一杯hot chocolate 都會有拉花，有驚喜！朱古力味同一般差吾多。