新沙洞大排檔 (好順景大廈1座) (已結業)

好耐無食韓國野啦！特別掛住醬油蟹，簡直係白飯殺手🤤🤤🤤而我知道《新沙洞大排檔》嚟咗元朗開分店啊，夜晚無煮飯鼠左出去食😆🦀招牌醬油蟹伴紫菜飯 $248甜甜嘅醬油蟹配埋麻油紫菜飯，完全係韓國菜之中我最愛嘅菜式之一，好好餸飯，蟹膏都幾多，非常滿足！🥟炸雞皮餃子 $68外皮炸得香脆入邊包住咗嚿菜肉，我第一次食，覺得都幾好食。🍜韓式水冷麵 $98口感煙靭嘅水冷麵，配咗醋蘿蔔、梨、雞蛋、同埋青瓜， 好fresh，個人口味落咗少少醋好食啲。🍤炸蝦芝士紫菜飯卷 $108賣相精緻嘅紫菜飯卷，入邊有蝦有芝士，有黃蘿蔔同菜，口感好清新好爽脆。🍑粒粒桃汁 $18呢個係敏仔嗌嘅，香甜嘅桃汁入邊有粒粒果肉，好快飲哂😆食評總結：作為元朗分店附近嘅居民，覺得價錢唔貴，韓國菜嚟講去整得算唔錯，所以都會有第二次嚟食。