木玥巷 (已結業)

今日收工諗住嗱嗱臨食個晚餐，發現平時大排長龍嘅木玥巷，今日唔算多人，等咗一陣就入去食晚餐！！終於有機會食，太開心啦！餐廳位置非常方便，在朗屏站下，落車後步行3分鐘直達🤣😂今日叫咗三款食物，兩杯飲品。我哋兩個大胃王都夠食！招牌紅燒牛肉麵！牛肉麵內有牛筋，牛展，牛腩同埋豆腐乾。首先牛肉麵湯底非常濃郁，真係飲一啖覺得自己好似去咗台灣。同外面啲牛肉麵唔同，湯底唔會死咸，調味剛好。然後仲叫咗番茄肉碎炒飯，男朋友本身唔太鍾意食蕃茄，不過呢個炒飯炒得非常有鑊氣，佢都覺得非常不錯！三杯雞有驚喜！喺香港真係好少食到好味嘅三杯雞，外面食真係好咸！呢度嘅三杯雞調味非常好，甜甜地，味道一流！值得encore！另外仲叫咗兩杯水果茶，上枱超大杯，真係性價比超高！足料得來應該有外面兩杯容量