好豆製研究所 (已結業)

自從患有濕疹，我喺飲食上都特別小心，出街食哂嘢好多時盡量少鹽戒糖～我今次就去咗元朗嘅Beanlab好豆製研究～呢度專門賣唔同口味嘅豆漿，比香港一般飲到嘅豆漿豆味濃度更高，口感更順滑！一來，呢邊嘅黃豆係選用加拿大🇨🇦非基因改造大豆，含有更高嘅植物蛋白質，做出來嘅豆漿豆味更出；二來，佢哋仲採用傳統日式製漿手法，將黃豆擺入二合一製漿機內進行磨豆及煲煮嘅過程，再用80目數嘅網袋進行人手隔渣，做出4至8度濃度嘅豆漿（香港一般飲到嘅豆漿濃度係2至3度），質感特別厚滑。店內提供原、調、製三種類別嘅豆漿，原即係傳統豆漿，係鍾意濃郁豆香嘅人嘅至愛，而調和製兩類則係調味豆漿，調會混合胚芽、可可、抹茶，而製就會加入其他食材，好似紅棗、玉米、紫薯，各有特色。我今次就揀無糖芝麻豆漿～估唔到佢加咗芝麻～豆漿都完全唔嚡口！而且豆漿濃厚適宜，的確高質～不過價錢一樽廿零蚊左右，有少少貴~